16件關於自己的事

1. 我向來都唔鍾意潮流興乜就做乜，所以一係就唔做，要做就一係早過人，一係就遲過人，回哩個tag都一樣～～～
2. 我成日以為自己最鍾意食烏冬，原來唔係，係咖哩魚蛋至真！因為我係去到邊一見到都會買嚟食既！
3. 明明都算嘴饞，但偏偏就鍾意食哩樣咁cheap既嘢，我都覺得奇怪。
4. 最鍾意聽以前既張信哲，佢既歌令我只係聽歌都有戀愛既感覺。
5. 好多嘢想做，不過大部份都係得個諗字，有時諗完會當自己做咗…
6. 有咗個女之後成日都覺得好攰，更加「有心無力」。
7. 細時覺得自己唔會結婚生仔，因為我好鍾意自由，咁困身唔啱我，不過到22歲個諗法改變咗。
8. 覺得人生唔應該太多雜物跟身，所以好鍾意掉嘢，所以成日都會掉錯嘢…
9. 11歲開始有鼻敏感，到而家都冇好過。
10. 好耐都冇食過鍾意食既生蠔，自從連續3次食完都腸胃炎之後，又好耐都冇飲過黑啡，自從有輪喪飲完胃痛之後。
11. 而家鍾意飲mocha。
12. 好鍾意落大雨同打雷，覺得個世界乾淨哂，好爽！
13. 最憎毛毛雨，種感覺就好似d人做嘢陰d陰d/慢吞吞噉，唔夠爽快。
14. 應該要做既事冇做，會好內疚。
15. 鍾意同d轉數高既朋友吹水玩，自己頭腦都會靈活d！
16. 好鍾意沈醉於一種感覺裡面，有時重去追求哩種感覺，哩種感覺通常喺又濕又凍落住少少雨自己一個聽住歌散步先搵到，過去的星期日我又feel到一次喇～