對於誠信及核心價值二詞感到很反感－－
第一：核心價值。咩叫香港的核心價值？
唔該每份報紙每個候選人都出返篇文解一解釋丫，
我敢肯定蘋果同文匯一定唔同，三個講嘅又唔同，
噉又捍衛同堅持乜鬼？
第二：誠信。你三個學乜鬼人講誠信？
一個冇誠信嘅人話另一個人冇誠信，然後第三個冇誠信嘅人出嚟話另外兩個講大話，
其實，都幾好笑。
還有今日唐生回應教育界問題，話身為中國人應該要學返中史先，
我又想話，噉其實作為一個人，係咪應該學咗道德先呢？
到底學點做一個有道德嘅人緊要啲，定學做一個識背歷史嘅人緊要啲呢？
不過對於一個冇道德嘅人嚟講，可能又真係冇咁重要！
睇佢哋辨論真係無名火起！
最後，全晚亮點我認為來自何生一句：
佢兩個是但一個講大話，但又是但一個做特首喎！你話幾大件事呢！
哩句講得真係好！
沒有留言:
發佈留言