黃b記事

話咁快重有幾日就19個月了！又是時候記下黃b學到的－－

．已成功趕及冬天來臨前戒日間片片了，現在只需睡覺時和外出時用。

．懂得眼耳口鼻頭髮牙齒手手指腳腳指肚肚臍和patpat（想考佢問題請用英文）。

．另外懂得花狗月亮太陽樹小鳥波氣球mickey minnie（又係要用英文）和毛毛（中文來的！中文故事書的主角）。

．教緊佢講thank you，個音都幾似ga～

．識講同自己玩up and down；識聽住d歌仔跟住動作跳舞。

．識玩圖形板不在話下（約一歲已經懂了），竟然連A-Z都識得自己砌返入個板度（一次我在看電視時突然發現佢已經識，超驚訝，等我重以為A-Z對佢嚟講係好難tim）。

．識得一些簡單的指令，例如問佢d玩具去咗邊佢又會搵返出嚟；識聽指令去搵人攞嘢或攞嘢畀人；肚餓會拖你去廚房門推你入去攞嘢佢食……

．睇書見到嘢食會用手指拎出嚟放入口或放入你個口（我媽教佢的）。

．成日問佢乜都答「未」：「食咗飯未？」「未」；「要唔要疴豬豬？」「未」；「去唔去公園？」「未」……

．我覺得佢有「強迫症」囉！例如佢見到我放咗舊紙巾喺度，佢會幫我掉入垃圾桶；我拎咗些東西出來，佢係噉要放回原位（但又唔會收好自己d玩具喎！）；本來佢對鞋放喺鞋櫃第三格，我見咁高佢拎得辛苦，移落第二格啦，佢又係噉要放返喺第三格；佢聽到歌仔要拍手，又係噉要人哋一齊拍，你瞓咗都要叫醒你一齊拍……

．佢識得開dvd機放cd/dvd入去（我訓練的），然後拎搖控叫你開畀佢睇（佢自學的）。

．一見我哋拎鞋出街佢又會即刻戴帽拎鞋著鞋（係著，因為我見佢會一對放好，然後扶住個鞋櫃就穿，冇搞錯左右，只係冇貼魔術貼）。

大概係咁多，對住佢真係覺得好得意，日日都有新嘢睇（換句話說即係佢日日都學到新嘢），
要好好把握佢兩歲前既開發，
成日以為三歲定八十，
睇返書先知原來兩歲已經定一生！